XX. mendeko Euskararen Corpus estatistikoa
Testuingurua
Eta nik galtza petodunak jantzi behar izan nituen. Nola ez! Beti amak nahi duena egin behar izaten dut!
-Galtza zahar hauek... -esan nuen marmar batean.
Baina alfer-alferrik, jantzi egin behar izan nituen.
Janzterakoan atzamarka bat bezala sentitu nuen atzealdean eta zer ote zen ikusteko eskua atzeko patrikan sartu nuenean, hozkada txiki bat. Hatz-muturra odolduta neukan.
- Ama! Galtza hauek burdinaren bat daukate. Begira nolako zauria egin didaten!
- Ba al dakizu hori zergatik den? -esan zidan aitak.
Galtzak haserretu egin dira eta horregatik egin dizute hozka.
Gure aitak horrelako txorakeriak esaten ditu batzuetan. Ez zaio kasu gehiagorik egin behar.
- Zatoz hona urratu hori ur oxigenatuarekin garbitzera -esan zidan gero.
Gure aitari urratuak ur oxigenatuarekin garbitzea asko gustatzen zaio. Ni saiatzen naiz horretan ere kasu gehiegirik ez egiten, baina urratuak garbitu behar direla esaten duenean...